Pages

Sunday 6 March 2016

84 வயதில் மாடல் அழகியை திருமணம் செய்த ரூபர்ட் முர்டோக்

லண்டன்:சர்வதேச ஊடக தொழிலின் ஜாம்பவான் என புகழப்படும், ரூபர்ட் முர்டோக், மாடல் அழகி ஜெர்ரி ஹாலை, திருமணம் செய்து கொண்டார். 'டிவி' சேனல்கள், செய்தி தாள்கள் என, பல நாடுகளில் ஏராளமான ஊடகங்களை நடத்தி வருபவர், ரூபர்ட் முர்டோக், 84. ஆஸ்திரேலியாவைச் சேர்ந்த இவர், அமெரிக்க குடியுரிமை பெற்றவர். ஏற்கனவே, மூன்று முறை திருமணம் செய்து விவாகரத்து பெற்றவர். முர்டோக்கின் முதல் மனைவி பாட்ரிகா புக்கர், இரண்டாவது மனைவி அன்னா போர்ல், மூன்றாவது மனைவி வெண்டி டெங். மூன்று மனைவியர் மூலம் அவருக்கு, ஆறு குழந்தைகளும் உள்ளனர்.


இந்நிலையில், ஹாலிவுட் நடிகையும், முன்னாள் மாடல் அழகியுமான ஜெர்ரி ஹாலுடன், அவருக்கு காதல் ஏற்பட்டது. அமெரிக்காவைச் சேர்ந்த நடிகை ஜெர்ரி ஹாலும் ஏற்கனவே திருமணமாகி விவாகரத்து பெற்றவர். கடந்த ஆண்டு காதலிக்க துவங்கிய இந்த ஜோடி, திருமணம் செய்ய உள்ளதை, கடந்த மாதம் அறிவித்தனர். லண்டனில் அவர்களது திருமணம் நடைபெற்றது. எளிய திருமண நிகழ்ச்சியில், முர்டோகின், நான்கு மகள்களும், ஜெர்ரி ஹாலின், இரண்டு மகள்களும் பங்கேற்றனர்.

No comments:

Post a Comment

Want to Share This News With Friends?

Quick Search